半年時間

爸爸，安息吧

凡事都有定期，天下萬務都有定時。
生有時，死有時；栽種有時，拔出所栽種的也有時；
殺戮有時，醫治有時；拆燬有時，建造有時；
哭有時，笑有時；哀慟有時，跳舞有時；
拋擲石頭有時，堆聚石頭有時；懷抱有時，不懷抱有時；
尋找有時，失落有時；保守有時，捨棄有時；
撕裂有時，縫補有時；靜默有時，言語有時；
喜愛有時，恨惡有時；爭戰有時，和好有時。

爸爸，安息去吧!我們會照顧媽媽的，不用擔心，將來天家再會。

五月天

又到五月天，即係溫書季節，讀了廿幾年書先知自己讀書方法有問題，重要自己手字真係....這些都可能構成自己"肥佬"的主要死因。希望知錯而真的能改，否則....

考了幾年試，愈來愈覺得羞家，真係唔知點樣面對鄉親父老。

希望老父不要成日周身痛。

聖誕節

今個聖誕節可以稱得上是一個休息的假期，因為阿彤病咗，連聲都出唔到，真係慘，無出到街，但打了兩日歡樂籃球和同舊同學食飯，大大話話有啲都三四年無見。gathering 都係講近況加話當年。gathering 不宜太密，半年至一年就最好，否則就無嘢講。下次都不知是何時。

阿爸終於出院，精神不錯，但唔肯食嘢，再落去分分鍾再入廠。不能不說，他真的老了。

07 漸去，08 將至，預計到將會好忙，現在一定要好好安排，否則手忙腳亂。

結婚相

今日完成了人生其中一個里程碑----影結婚相。雖然沒有想像中的疲累，但也足足影了九個鍾(不是講笑)，幸兒攝影師和他助手都幾見談和玩得(其實係我和阿彤玩得和經常娛樂佢地)，否則悶到抽筋。不過玩還玩，個攝影師都幾專業，教我地擺好多姿態，但我和阿彤成日忍唔到笑，真係激死佢。休息時係相機快看我和阿彤的成果，阿彤影得不錯(雖然成日被人話苦笑)，而我就.....無辦法，model 唔靚，點影都唔好。阿彤都好滿意，睇嚟今次會破產。

完成了一個里程碑，還有更多更重要的要完成，小威威，你要繼續努力加油。